Dec 02, 2020
தொழில்நுட்பம்

Google Calendar லோகோவில் மாற்றம்!

கூகுள் நிறுவனமானது இணையத் தேடல் மாத்திரமன்றி மின்னஞ்சல்சேவை, கூகுள் மேப் போன்ற பல சேவைகளை வழங்கிவருகின்றது. இச்சேவைகள் ஒவ்வொன்றிற்கும் தனித்தனியான லோகோக்களையும் அறிமுகம் செய்திருந்தது. எனினும் கூகுளிற்கு என்று ஒரு தனித்துவமான வர்ணங்கள் காணப்படுகின்றன. அதாவது பச்சை, மஞ்சள், நீலம் மற்றும் சிவப்பு என்பனவாகும். ஆனால் முன்னர் அறிமுகம் செய்யப்பட்ட கூகுளின் வெவ்வேறு சேவைகளுக்கான லோகோக்களில் வெவ்வேறான வர்ணங்கள் பயன்படுத்தப்பட்டு வந்தன.

இப்படியிருக்கையில் தற்போது மேற்கண்ட நான்கு வர்ணங்களையும் உள்ளடக்கியதாக அனைத்து லோகோக்களையும் கூகுள் மாற்றிவருகின்றது. இவ்வாறு மாற்றப்பட்ட லோகோக்கள் சில பயனர்களிற்கு கிடைக்கக்கூடியவாறு செய்யப்பட்டுள்ளது. விரைவில் அனைத்து பயனர்களுக்கும் இம் மாற்றம் கிடைக்கப்பெறும். இந்த வரிசையில் தற்போது கூகுள் கேலண்டரின் லோகோவும் மாற்றப்பட்டுள்ளது.