Nov 27, 2022
ஆலோசனை

முத்து ஆபரணங்களை பாதுகாப்பது எப்படி?

நன்றி குங்குமம் தோழி

வாசகர் பகுதி

*காற்றோட்டமான பாதுகாப்பான இடத்தில் முத்துக்கள் பதிக்கப்பட்ட நகைகளை வைக்க வேண்டும்.

*சூரிய ஒளி, வெப்பம் இவற்றுக்கு அருகே முத்துக்களின் அணிகலன்கள் இருக்கக் கூடாது.

*ஸ்ப்ரே, பெர்ஃப்யூம் உபயோகித்தால் முத்து நகைகள் ஒளி இழக்கச் செய்யும்.

*ஒவ்வொரு முறை அணிந்துவிட்டு எடுத்து வைக்கும் போதும் மென்மையாக பட்டுத் துணியால் துடைத்து வைக்க வேண்டும்.

*பட்டு நூலில் கோர்த்த முத்து மாலைகளில் ஆண்டிற்கு ஒரு முறை பட்டு நூலை மாற்ற வேண்டும். உள்ளே உள்ள பட்டு நூல் நைத்து அறுந்து போவது நமக்குத் தெரியாது. இதனால் விலை உயர்ந்த முத்துக்களை நாம் இழக்க நேரிடும்.

*முத்துக்களை வாங்குவதற்கு முன் இயற்கை வெளிச்சத்தில் வைத்து பார்த்து வாங்க வேண்டும்.

*முத்துக்கள் அடங்கிய மாலையை மற்ற அணிகலன்களுடன் சேர்த்து வைக்கக் கூடாது.

*துடைக்கும் போது முத்துக்கள் ஒன்றோடு ஒன்று உரசாமல் பார்த்துக் கொள்ள வேண்டும்.

*முத்துக்களை தங்கத்தில் பதிந்து நகை செய்தால் முத்து தங்கத்தில் கரைந்து விடும். வெந்நீரில் கழுவவும் கூடாது.

தொகுப்பு  - கே. பிரபாவதி, கன்னியாகுமரி.