Jul 26, 2021
வர்த்தகம்

தங்கம் ஒரு சவரனுக்கு ரூ.616 குறைவு

சென்னை: தங்கம் விலை நேற்று அதிரடியாக சரிவை சந்தித்தது. சவரனுக்கு ரூ.616 குறைந்து, ஒரு சவரன் ரூ.36,000க்கு விற்கப்பட்து. நகை விலை குறைவு நகை வாங்குவோரை சந்தோஷத்தில் ஆழ்த்தியுள்ளது. தங்கம் விலை கடந்த 2 மாதமாக ஏற்றம், இறக்கத்துடன் காணப்பட்டு வருகிறது. ஒரு நாள் விலை அதிரடியாக குறைந்தால், அடுத் சில நாட்களில் மீண்டும் அதே வேகத்தில் உயர்ந்தும் வந்தது. இதனால், இந்த நேரத்தில் நகை வாங்கலாமா அல்லது பொறுத்திருந்து வாங்கலாமா என்ற குழப்பமான நிலை நகை வாங்குவோரிடம் இருந்து வருகிறது. நேற்று முன்தினம் ஒரு கிராம் ரூ.4,577க்கும், சவரன் ரூ.36,616க்கும் விற்கப்பட்டது.

இந்த நிலையில் நேற்று காலை தங்கம் விலை அதிரடியாக சரிவை சந்தித்தது. அதாவது கிராமுக்கு ரூ.62 குறைந்து ஒரு கிராம் ரூ.4,515க்கும், சவரனுக்கு ரூ.496 குறைந்து ஒரு சவரன் ரூ.36,120க்கும் விற்கப்பட்டுள்ளது. மாலையில் தங்கம் விலை மேலும் சரிவை சந்தித்தது. அதாவது நேற்று முன்தினம் விலையை விட கிராமுக்கு ரூ.77 குறைந்து ஒரு கிராம் ரூ.4,500க்கும், சவரனுக்கு ரூ.616 குறைந்து ஒரு சவரன் ரூ.36,000க்கும் விற்கப்பட்டது. ஒரே நாளில் தங்கம் விலை சவரனுக்கு ரூ.616 குறைந்துள்ளது. அதே நேரத்தில் நீண்ட நாட்களுக்கு பிறகு தங்கம் விலை சவரன் ரூ.36,000க்குள் வந்துள்ளது. இது நகை வாங்குவோரை மகிழ்ச்சியில் ஆழ்த்தியுள்ளது.