ஜாவா நிறுவனம் ஜாவா 42 பைக்கின் லிமிடெட் எடிஷனாக தவாங் என்ற மாடலை அறிமுகம் செய்துள்ளது. அருணாசல பிரதேசம் தவாங்கில் நடந்த தோர்க்யா விழாவில் இது காட்சிப்படுத்தப்பட்டது. அருணாசல பிரதேசம் மற்றும் அண்டை மாநிலங்களில் இது பிரத்யேகமாக விற்பனை செய்யப்படும் எனவும், மொத்தம் 100 பைக்குகள் மட்டுமே உற்பத்தி செய்யப்படும் எனவும் நிறுவன தரப்பில் தெரிவிக்கப்பட்டுள்ளது.

ஏற்கெனவே உள்ள ஸ்டாண்டர்டு மாடலை (சுமார் ரூ.1.84 லட்சம்) விட ஷோரூம் விலை சுமார் ரூ.20,000 அதிகமாக இருக்கும்.  தோற்றத்தில்தான் மாற்றமே தவிர, ஸ்டாண்டர்டு மாடலில் உள்ள 293 சிசி லிக்விட் கூல்டு இன்ஜின் அதிகபட்சமாக 27 பிஎச்பி பவரையும், 27 என்எம் டார்க்கையும் வெளிப்படுத்தும்.