May 09, 2021
விமர்சனம்

லேகசி ஆஃப் லைஸ்--- விமர்சனம்

அட்ரியன் போல் இயக்கத்தில் ஸ்காட் அட்கின்ஸ், யூலியா சோபோல் , ஹானர் நிஃப்செய் உள்ளிட்ட பலர் நடிப்பில் வெளியாகி இருக்கும் படம் லேகசி ஆப் லைஸ். முன்னாள் ஸ்பை ஏஜென்டாக எம்16 (அட்கின்ஸ் ஸ்காட்). உக்ரைன் நாட்டு பத்திரிக்கையாளர் ஒருவர் உதவியுடன்  ரஷ்யாவின் ரகசிய ஆபரேஷனுக்குப்  பின்னணியில் இருக்கும் உண்மையை கண்டறிய எடுக்கும் முயற்சியும் அதன் பின்னணியில் நடக்கும் விளைவுகளும் இணைந்து முடிவு என்ன என்பது ஆக்‌ஷன்  அதிரடி கிளைமாக்ஸ்.

ஸ்காட் அட்கின்ஸ் படத்தின் நாயகனாக ஆக்‌ஷன் காட்சிகளில் வெளுத்து வாங்குகிறார். என்னினும் அட்கின்சன் ஆக்‌ஷன் காட்சிகளுக்கு பெரிதாக முக்கியத்துவம் கொடுக்காமல் கதைக்குள் பயணித்தது புத்திசாலித்தனம். எனினும் இன்னமும் நிறைய ஸ்மார்ட் அட்டாக், திருப்பங்கள் மிஸ்ஸிங். ஹானர் க்யூட் ரியாக்சன்களும் ஏமோஷனல் சண்டைகளும் ரசிக்கச் செய்கின்றன.

கதை மிகவும் சிறிய கதை என்பதால் கதைக்குள் வருவதற்கு நிறைய நேரம் எடுத்துக் கொள்கின்றனர். மேலும் சில காட்சிகள் தேவை இல்லாத அளவிற்கு நீளமாகவும் தேவையில்லாத கோர்ப்பு காட்சிகளாகவும் தென்படுகின்றன. ஆக்‌ஷன் அதிரடி காட்சிகளுக்கு ஏற்ப ஆற்காடியூஸ் ரிகோவ்ஸ்கி பின்னணி இசை பிரம்மாண்டமாக படத்திற்கு மேலும் பலம் சேர்க்கிறது.

சொல்லவந்த கருத்துக்களை ஷார்ப்பாக இன்னும் சுவாரஸ்யமாக சொல்லி இருக்கலாம் மேலும் எடிட்டிங்கிலும் கவனம் செலுத்தியிருக்கலாம். காட்சிகள் நிறைய தூக்க படவேண்டியவை உள்ளன. மொத்தத்தில் லேகசி ஆஃப் லைஸ் ஆக்சன் எப்படியிருந்தாலும் பார்ப்பேன் என்னும் ரசிகர்களுக்கு நிச்சயம் ஓரளவு நல்ல அனுபவத்தைக் கொடுக்கும்.